பிரதமரை கேலி செய்வது நாங்கள் அல்ல; ராகுல் காந்தி தான் சோனியாவுக்கு ராஜ்நாத் சிங் பதில் Congress vice president made fun of PM Rajnath

பிரதமரை கேலி செய்வது நாங்கள் அல்ல; ராகுல் காந்தி தான் சோனியாவுக்கு ராஜ்நாத் சிங் பதில் Congress vice president made fun of PM Rajnath

Tamil NewsToday,

கொல்கத்தா, அக். 1-

கர்நாடக மாநிலம் மாண்டியாவில் நடந்த பொதுக்கூட்டத்தில் கலந்துகொண்டு பேசிய காங்கிரஸ் தலைவர் சோனியா காந்தி, பா.ஜனதாவை கடுமையாக சாடினார். காங்கிரஸ் கட்சியைப் பற்றியும், பிரதமரைப் பற்றியும் கேலி கிண்டல் செய்து பேசுவதாகவும், எந்த கட்சியைப் பார்த்தும் காங்கிரஸ் பயப்படாது என்றும் அவர் குறிப்பிட்டார்.

இதற்கு பதில் அளித்துள்ள பா.ஜனதா தலைவர் ராஜ்நாத் சிங், கொல்கத்தாவில் நிருபர்களிடம் கூறியதாவது:-

'பிரதமரை பா.ஜனதா கேலி செய்கிறது. ஆனால், ஒட்டுமொத்த காங்கிரஸ் கட்சியும் பிரதமரின் பின்னால் நிற்கிறது' என்று சோனியா வெளியிட்ட அறிக்கையை படித்தேன். ஆனால் பிரதமரை நாங்கள் கேலி செய்யவில்லை, காங்கிரஸ் கட்சியின் துணைத்தலைவர் ராகுல் காந்திதான் கேலி செய்துள்ளார்.

பிரதமரை பா.ஜனதா அவமதிக்கவில்லை. பிரதமரின் மரியாதை பற்றி சோனியா கவலைப்பட்டால், அவர் காங்கிரஸ் துணைத்தலைவர் ராகுல் காந்தியை பதவி விலகச் சொல்ல வேண்டும். அல்லது நாட்டு மக்களிடம் மன்னிப்பு கேட்க சொல்லவேண்டும்.

தண்டனை பெறும் எம்.பி., எம்.எல்.ஏ.க்களை பாதுகாக்கும் வகையில் கொண்டு வந்துள்ள அவசர சட்டத்திற்கு எங்கள் கட்சி ஆரம்பத்தில் இருந்தே எதிர்ப்பு தெரிவித்து வருகிறது. எங்கள் தலைவர்கள் அத்வானி, சுஷ்மா சுவராஜ் மற்றும் அருண் ஜெட்லி ஆகியோர் ஏற்கனவே ஜனாதிபதியை சந்தித்து, அவசர சட்டத்தில் கையெழுத்திடக் கூடாது என்று கேட்டுக்கொண்டனர். அவசர சட்டத்தை திரும்ப பெற வேண்டும் எனறு நானும் கேட்டுக்கொண்டேன்.

இவ்வாறு அவர் கூறினார்.
...
Show commentsOpen link