Img தென்னாப்பிரிக்காவில் திருமணம் முடிந்த மறுநாளில் சாலை விபத்தில் இந்திய தேன்நிலவு தம்பதியர் பரிதாப பலி newly weded South African Indian couple killed in road accident enroute to honeymoon
டர்பன், டிச.18-
திருமணம் முடிந்த மறுநாளில் இந்திய தேன்நிலவு தம்பதியர் சாலை விபத்தில் பலியான சம்பவம் தென்னாப்பிரிக்காவில் பெரும் பரபரப்பை ஏற்படுத்தியுள்ளது.
தென்னாப்பிரிக்காவில் வசிக்கும் இந்திய வம்சாவழியை சேர்ந்த ஆஷ்லே ரெட்டி(30) என்பவரை அங்கு வசிக்கும் தீபிகா(29) என்ற பெண்ணை உயிருக்குயிராக காதலித்து வந்தார்.
மருத்துவம் தொடர்பான பட்டப்படிப்பு படித்து வந்த ஆஷ்லே ரெட்டியை அவர் திருமணம் செய்துக் கொள்ளவும் மிகவும் விரும்பினார். பட்டம் பெற்ற பின்னரே திருமணம் என்று கூறி வந்த ஆஷ்லே ரெட்டி சமீபத்தில் படிப்பை முடித்து பட்டதாரி ஆனார்.
இதனையடுத்து இரு வீட்டாரும் காதல் ஜோடிகளுக்கு திருமணம் நடத்தி வைக்க ஏற்பாடு செய்தனர். உறவினர்கள், நண்பர்கள் என சுமார் ஆயிரம் பேர் முன்னிலையில் ஆஷ்லே ரெட்டி- தீபிகா திருமணம் கடந்த ஞாயியிற்றுக்கிழமை தென்னாப்பிரிக்காவில் வெகு விமரிசையாக நடந்தேறியது.
சந்தோஷ கனவுகளோடும், மனம் நிறைந்த கற்பனைகளுடனும் புதுமண தம்பதியர் தேன்நிலவு கொண்டாட காரில் சென்றனர். அவர்களின் 3 ஆண்டு கால ஆசை கணவுகளை சுமந்து சென்ற கார் நெடுஞ்சாலை விபத்தில் அடிபட்டு அப்பளமாக நொறுங்கியது.
நொறுங்கியது கார் மட்டுமல்ல...ஆஷ்லே ரெட்டி- தீபிகா தம்பதியரின் ஆசை கனவுகளும் நிறைவேறாமல் நொறுங்கிப் போனது. விபத்தில் சிக்கிய அவர்கள் இருவரும் சம்பவ இடத்திலேயே உடல் சிதைந்து பரிதாபமாக உயிரிழந்தனர்.
இரு தினங்களுக்கு முன் புதுமண தம்பதியரை மணக்கோலத்தில் வாழ்த்தி மகிழ்ந்த உறவினர்களும், நண்பர்களும் பிணக்கோலத்தில் காண சகிக்காமல் கண்ணீர் விட்டு கதறி அழுத காட்சி கல் மனதையும் கரைய வைக்கும் விதமாக அமைந்திருந்தது.
...
