Img பெண்ணிடம் சில்மிஷம் செய்ததாக ஆம் ஆத்மி எம்.எல்.ஏ. மீது வழக்கு molestation case file on aam aadmi party
புதுடெல்லி, டிச,10–
டெல்லி மாநில சட்டசபைக்கு நடந்த தேர்தலில் 28 இடங்களில் அரவிந்த் கெஜ்ரிவாலின் ஆம் ஆத்மி கட்சி வெற்றி பெற்றுள்ளது.
அவர்களில் தர்மேந்தர் கோலி என்ற எம்.எல்.ஏ.வும் ஒருவராவார். அவர் சீமாபுரி என்ற தொகுதியில் இருந்து சட்டசபைக்கு தேர்ந்து எடுக்கப்பட்டுள்ளார்.
தர்மேந்தர் கோலி மீது அவரை எதிர்த்து போட்டியிட்ட காங்கிரஸ் வேட்பாளர் வீர்சிங்கின் மனைவி போலீசில் புகார் கொடுத்துள்ளார். அந்த புகாரில் அவர், ஓட்டு எண்ணிக்கை முடிந்ததும் ஆம் ஆத்மி கட்சியினர் ஊர்வலமாக வந்தனர்.
அப்போது தர்மேந்தர் கோலி என் வீட்டுக்குள் வந்தார். என்னிடம் செக்ஸ் சில்மிஷம் செய்து அநாகரீகமாக நடந்து கொண்டார்.
ஆம் ஆத்மி கட்சி தொண்டர்கள் பலர் கைகளில் மதுபாட்டில் வைத்திருந்தனர். எங்கள் பகுதியில் உள்ள வால்மிகி கோவிலுக்குள் அவர்கள் மதுபாட்டில்களை எறிந்து அடாவடி செய்தனர்.
இவ்வாறு காங்கிரஸ் வேட்பாளர் வீர்சிங்கின் மனைவி புகார் மனுவில் கூறியுள்ளார். அந்த புகாரை ஏற்று போலீசார் ஆம் ஆத்மி கட்சி எம்.எல்.ஏ. தர்மேந்தர்கோலி மீது வழக்கு பதிவு செய்துள்ளனர்.
அவரிடம் விசாரணை நடத்த போலீசார் முடிவு செய்துள்ளனர்.
...
No comments:
Post a Comment