திருச்செந்தூர் கோவிலில் கந்தசஷ்டி விழா 3–ந்தேதி தொடங்குகிறது: முன்னேற்பாடு பணிகள் தீவிரம் Tiruchendur temple kantha sasti Festival 3 Starting

திருச்செந்தூர் கோவிலில் கந்தசஷ்டி விழா 3–ந்தேதி தொடங்குகிறது: முன்னேற்பாடு பணிகள் தீவிரம் Tiruchendur temple kantha sasti Festival 3 Starting

தூத்துக்குடி, அக். 24–

திருச்செந்தூர் சுப்பிர மணிய சுவாமி கோவில் கந்த சஷ்டி திருவிழா அடுத்த மாதம் (நவம்பர்) 3–ந்தேதி தொடங்குகிறது.

இதற்கான முன்னேற்பாடுகள் குறித்த ஆய்வுக்கூட்டம் தூத்துக்குடி மாவட்ட கலெக்டர் அலுவலகத்தில் நடைபெற்றது. கூட்டத்தில் கலெக்டர் ரவிக்குமார் பேசியதாவது:–

திருச்செந்தூர் கோவில் கந்தசஷ்டி திருவிழா வருகிற 3–ந்தேதி முதல் 9–ந்தேதி வரை நடைபெறுகிறது. இதில் 8 லட்சத்துக்கும் மேற்பட்டோர் பங்கேற்பர் என எதிர்பார்க்கப்படுகிறது.

பக்தர்களுக்கு தேவையான அனைத்து அடிப்படை வசதிகளும் செய்யப்பட்டுள்ளன. குப்பைகளை உடனுக்குடன் அகற்றவும், கொசு மருந்து அடிக்கவும், 24 மணி நேரம் இயக்கக்கூடிய மருத்துவ குழு அமைக்கவும் உத்தரவிடப்பட்டுள்ளது.

கோவில் வளாகம், குரும்பூர்–குரங்கன்தட்டு நீரேற்றும் நிலையம், திருச்செந்தூர் தெப்பக்குளம் நீரேற்றும் நிலையம் போன்ற பகுதிகளுக்கு தடையின்றி மின்சாரம் வழங்க ஏற்பாடு செய்யப்பட்டுள்ளது.

சூரசம்ஹாரம் நடைபெறும் 8–ந்தேதி பல்வேறு ஊர்களிலிருந்து வரும் பக்தர்களுக்கு சிறப்பு பஸ், ரயில் வசதி செய்யப்பட்டுள்ளது. தீயணைப்பு துறை மூலம் கடல் பாதுகாப்பு வளையத்துடன் உயிர் மீட்பு படகுகளும், தீயணைப்பு வாகனங்களும் தயார் நிலையில் வைக்க அறிவுறுத்தப்பட்டுள்ளது. 24 மணி நேர ஆம்புலன்ஸ் வசதி செய்யப்படும்.

பாதுகாப்பு பணிகளில் அதிக காவலர்களை ஈடுபடுத்துவது, சிறப்பு விருந்தினர்களுக்கு கார் பாஸ் வழங்குவது, சுவாமி தரிசனம் செய்ய வரிசையில் நிற்கும் பக்தர்களுக்கு போதிய பாதுகாப்பு வசதிகள் செய்யவும், கோவிலை சுற்றியுள்ள சாலைகளை சீரமைக்கவும் சம்பந்தப்பட்ட துறையினருக்கு உத்தரவிடப் பட்டுள்ளது என்றார்.

இந்த ஆலோசனை கூட்டத்தில் கோவில்பட்டி உதவி கலெக்டர் விஜயகார்த்தி கேயன், மாவட்ட வருவாய் அலுவலர் முத்து, வருவாய் கோட்டாட்சியர்கள் நாக ஜோதி, தமிழ்ராஜன், திருச்செந்தூர் கோவில் இணை ஆணையர் ஞானசேகரன், கோவில் தக்கார் கோட்டை மணிகண்டன், பேரூராட்சி தலைவர் சுரேஷ்பாபு, அதிகாரிகள் கலந்து கொண்டனர்.

...

shared via