தமிழால் இணைவோம்:
நான் எட்டாம் வகுப்பு படிக்கும் காலத்தில் ஒருமுறை இடைத்தேர்வில் ஆங்கில வினாத்தாள் மிக கடுமையாக தயாரிக்கப்பட்டிருந்தது , என் வகுப்பில் நன்றாக படிக்கும் ஒரு சில மாணவர்களை தவிர கிட்டத்தட்ட நாற்ப்பதிற்கும் மேற்ப்பட்டோர் தோல்வி அடைந்தனர்.
அதனால் எங்கள் வகுப்பு ஆசிரியர் இவ்வளவு பேர் தோல்வி அடைந்திருந்ததால் நம் வகுப்பிற்கு கெட்ட பெயர் வரும், ஆகவே எல்லோருக்கும் நான் முப்பது மதிப்பெண் அதிகம் வழங்குகிறேன் அனைவரும் தேர்ச்சி அடைந்து விடுங்கள் என்று சொல்லி மதிப்பெண்ணையும் வழங்கி விடைத்தாளை அனைவருக்கும் அளித்துக் கொண்டிருந்தார் .
அப்போது ஒரு மாணவனை மட்டும் அழைத்து அடி பின்னி எடுத்துக்கொண்டு இருந்தார் ( இது நானல்ல ) " ஏண்டா 30 மார்க் அதிகமா போட்டும் நீ பாஸ் ஆகலையே " ன்னு அடித்தார். அவன் வந்த பிறகு எவ்வளவு மதிப்பெண் என்று விசாரித்தால் 2 மார்க் எடுத்திருக்கிறான் , அதுவும் ஆசிரியராக பார்த்து போட்ட மதிப்பெண்னாம் அவன் ஒன்றுமே எழுத வில்லையாம் வகுப்பே விழுந்து விழுந்து சிரித்தது அது எனக்கு பள்ளி நாட்களில் மறக்க முடியாத அனுபவமாகும் ,
அதேபோல தனது சுற்றுலா அனுபவங்களை எல்லாம் சுவாரஸ்யமாக சொல்லி எனக்கு உலக அறிவை ஊட்டிய வேலுச்சாமி ஆசிரியரையும் என்னால் மறக்க முடியாது , நான் அடிவாங்காத ஆசிரியரே பள்ளியில் இல்லை எனலாம் அந்த அளவிற்கு அடி வாங்கி இருக்கிறேன் அவர்கள் அடித்த ஒவ்வொரு அடியும் என்னை வடிவமைப்பதர்க்காகத் தான் என்பதை மறுப்பதற்கில்லை .
'அன்ன சத்திரம் ஆயிரம் வைத்தல், ஆலயம் பதினாயிரம் நாட்டல், பின்னருள்ள தருமங்கள் யாவும், பெயர் விளங்கி ஒளிர நிறுத்தல், அன்னயாவினும் புண்ணியம் கோடி ஆங்கோர் ஏழைக்கு எழுத்தறிவித்தல்'
என்பது போல ஏழைக்கு மட்டுமல்ல எழுத்தறிவித்தலே கோடிபுண்ணியம் உடையது
இனிய ஆசிரியர் தின வாழ்த்துக்கள்
நன்றி - Dappa Thalaiyan
Visit our Page -► தமிழால் இணைவோம்
No comments:
Post a Comment